Yeni Zelandiyada hərracda 8 iri yarpağı olan ev çiçəyi 19 297 dollara satılıb.
Bu barədə CNN yazır.
Belə ki, hərraca 248 nəfər müraciət edib. İki alıcı bir-birinə yol vermək istəmədikləri üçün çox nadir “Rhaphidophora Tetrasperma” gülünün qiyməti hərracın son 4 dəqiqəsində kəskin artıb:
“Hərracın son dəqiqələrində alıcıların qızğın “döyüş”ündən sonra bu nadir bitki 102 min dəfədən çox izlənilib və 1600-dən çox siyahıya düşüb. Bu, Yeni Zelandiya əhalisinin ev bitkilərini nə dərəcədə çox sevdiklərini göstərir”, – deyə “TradeMe” onlayn hərracın nümayəndəsi Milli Silvestr bildirib.
Onun sözlərinə görə, bu, sayta indiyədək satılan ən bahalı ev bitkisi olub.
