Rusiya regionlarının hakimiyyət orqanları daha yaxşı mənzil şəraitinə ehtiyacı olan kimi qeydiyyatda olan Böyük Vətən Müharibəsi veteranlarını mənzillə təmin edəcək.
Bunu Rusiya Dövlət Dumasının Tikinti və Mənzil-Kommunal Təsərrüfat Komitəsinin sədr müavini Sergey Kolunov bəyan edib.
Kolunov veteranların bu il aprelin 1-nə kimi mənzillə təmin olunacağına aydınlıq gətirib.
Onun sözlərinə görə, həlak olan və ya öldürülən müharibə iştirakçılarının ailələrinə də daşınmaz əmlak veriləcək.
Təşəbbüs 2020-ci ildə hökumət tərəfindən təsdiq edilmiş İkinci Dünya Müharibəsi veteranlarının sosial-iqtisadi vəziyyətinin yaxşılaşdırılması üzrə tədbirlər kompleksinə uyğun olaraq həyata keçiriləcək.
