BMT Təhlükəsizlik Şurası (TŞ) Ermənistan və Azərbaycanı hərbi əməliyyatları dərhal dayandırmağa çağırıb. Bununla bağlı BMT TŞ-nin sədri Abdu Abarri jurnalistlərə açıqlama verib.
“BMT TŞ üzvləri Baş katibin münaqişə tərəflərinə hərbi əməliyyatların dərhal dayandırılması, gərginliyin azaldılması və təxirə salınmadan danışıqlara qayıtması üçün müraciətini dəstəkləyir”, – deyə A.Abarri bildirib.
O istisna etməyib ki, lazım gələrsə, Şura Azərbaycan və Ermənistan nümayəndələri ilə görüş keçirəcək.
A.Abarri insanların ölümünə səbəb olan güc tətbiqindən dərin narahatlıqlarını ifadə edib.
Qeyd edək ki, qapalı iclas Şuraya üzv olan 15 ölkənin çağırışı ilə baş tutub.
