Yaşlı nəsil azarkeşlər onu yaxşı xatırlayar, 1970-80-ci illərdə beynəlxalq dərəcəli bir futbol hakimimiz vardı – Eldar Əzimzadə. 1979-cu ildə futbol mövsümünün yekunlarına görə o, Sovet İttifaqının 1 nömrəli hakimi seçilmişdi.
“Bir şəklin tarixçəsi” rubrikasında təqdim edilən növbəti foto 2019-cu il mayın 29-da AvroLiqanın finalında oynamaq üçün Bakıya gəlmiş “Arsenal” və məşhur futbol hakimi Eldar Əizmzadəyə həsr olunur. Fotoşəkil futbol tədqiqatçısı Rasim Mövsümzadənin arxivindəndir. Zaman 22 noyabr 1978-ci il. Məkan Belqrad şəhəri. UEFA kuboku – 1/8 finalın ilk oyunu..
“Crvena Zvezda” (Yuqoslaviya) – “Arsenal” (London) 1:0.
Oyunun baş hakimi azərbaycanlı referi Eldar Əzimzadədir. Düz 41 il əvvəl “Arsenal”ın oyununu idarə edən Eldar Əzimzadə hələ o zaman azərbaycanlılar haqda London klubunda təəssürat yaratmışdı.
O vaxt iki oyunun nəticəsinə görə, “Crvena zvezda” “Arsenal”a 2:1 hesabı ilə qalib gələrək finala kimi irəliləmişdi…
