Belarus Prezidenti Aleksandr Lukaşenko Belarus və Rusiya hərbçilərinin yaxın vaxtlarda respublikanın Ukrayna ilə sərhədində təlimlər keçirəcəklərini açıqlayıb:
“Biz Prezident Putinlə razılaşdıq ki, yaxın gələcəkdə cənub sərhədlərində, Belarus-Ukrayna sərhədində birgə təlimlər keçirək”.
Onun sözlərinə görə, bu təlimlər yaxın bir neçə ay ərzində təxminən iki mərhələdə baş tutacaq.
“Biz hələ də bu planları tərtib edirik, lakin qışda birinci mərhələni mütləq həyata keçirəcəyik”, – deyə Lukaşenko bildirib.
O, bunun üçün hər şeyin hazır olduğunu vurğulayıb.
