Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, Donetskdə son iki həftədə vəziyyət yenidən gərginləşib. Kramatorsk şəhəri dayanmadan raket hücumlarına məruz qalır.
Məlumata görə, Donetskdə blokada şəraitində qalan ərazilərdəki mülki insanlar arasında 20-yə yaxın həmyerlimiz də var.
Həmçinin qeyd edilib ki, işğalda olan Makiyevkada separatçıların güllələdiyi iki ailədən biri azərbaycanlıdır.
O da bildirilib ki, bir aydan çoxdur Rusiya Ordusu separatçılarla birlikdə Rusiya-Ukrayna müharibəsinin dönüş nöqtəsinə çevrilən Baxmutu ələ keçirməyə çalışsa da, buna nail ola bilmir.
