İsveçrə və Böyük Britaniyadan (Uels) AVRO-2020 üçün Azərbaycana gələcək futbol azarkeşləri vizanı Bakının Heydər Əliyev Hava Limanından ala biləcək.
Bunun üçün hava limanında onlayn e-viza platforması yaradılıb.
Həmçinin Bakıya gəlməzdən əvvəl onlayn şəkildə üç iş günü ərzində standard viza almaq mümkündür. Lakin zərurət olarsa, təcili vizaları 3-5 saat ərzində almaq olur.
Xarici azarkeşlər hava limanında oyunun biletini və 48 saatdan çox olmayan müddəti əhatə edən COVID testinin nəticəsini təqdim etməlidir. Bundan sonra onlar karantinə alınmayacaq və ölkədə sərbəst şəkildə gəzə biləcəklər.
Qeyd edək ki, pandemiya səbəbindən AVRO-2020 vaxtı fan-zonalar quraşdırılmayacaq.
