Bakının bir çox marketlərində üzərində erməni bayrağı olan kart-şəkillər satılır.Bir çoxları bunun Kolumbiya bayrağına oxşar olduğu üçün dəqiq qərar verə bilməsələr də, Kolumbiyadan Azərbaycana gətirilməsinin mümkünsüzlüyünü nəzərə alsaq və bayraqlara diqqətlə baxsaq, bu kartların qonşu təcavüzkar ölkəyə aid olduğu aydın olur.
Bakının uşaq bağçalarından birinin müdiri bu barədə “İctimaixeber” ə məlumat verərək bildirmişdir: “Burada günah hansısa mağaza müdirində deyil, onları Azərbaycana gətirib satılmasına yol verənlərdədir. Mağazada kartların üzərindəki erməni bayrağının şəklini tanımırlar belə. Amma erməni bayrağının uşaqların sevərək oynadığı kartların üzərində reklam olunmasının acınacaqlı nəticələrini bir zamanlar ermənilərlə yaxın dost, qonşu olub, sonra düşmən olduqlarını görüb ağır zərbə almış insanlar kimi hər birimiz qabaqcadan görməliyik.
Ümid edirəm ki, müvafiq orqanlar tərəfindən tezliklə bu kartlar satışdan yığışdırılacaq və onların alındığı mənbələr də aşkar olunaraq cəzalandırılacaq.”
