Antarktidanın dəniz yatağında aşkarlanan ilk aktiv metan qazı sızıntısı elm adamlarını qorxuya salıb.
Elm adamlarının fikrincə, ekoloji böhran səbəbindən sızıntının artması ilə qlobal istiləmənin sürətlənməsi qaçılmaz olacaq.
Belə ki, metan atmosfer temperaturunu karbondioksiddən daha sürətlə yüksəldən bir qazdır.
“Proceedings of the Royal Society B”də yayımlanan araşdırmada bəzi mikroorqanizmlərin qazı zərərsizləşdirdiyi, ancaq bu mikroorqanizmlərin ortaya çıxmasının beş il vaxt aldığı qeyd edilib.
Sızıntı ilk dəfə 2011-ci ildə dalğıclar tərəfindən aşkarlanıb. Ancaq məsələ ilə bağlı elmi araşdırmalar 2016-cı ildə başlayıb.
Metan qazı sızıntısı yeni məlumat olmasa da, havaya qarışması barədə əldə edilən nəticələr elm adamlarının narahatlığını artırıb.
