Millimizin futbolçusu Renat Dadaşovun İngiltərənin “Vulverhempton” klubuna transferinin neçəyə baş tutmasına aydınlıq gəlib.
Ötən ilin avqustunda Portuqaliyanın “Eşturil” komandasından transfer olunan futbolçu “canavarlar”a 450 min dollara başa gəlib. Bunun üçün qarşı tərəfə bu qədər məbləğ ödənilib.
“Vulverhempton”un cari mövsümün əvvəlində Portuqaliyanın “Benfika” klubundan aldığı meksikalı hücumçu Raul Ximenes üçün isə 34 milyon funt ödənilib. Buna görə 28 yaşlı forvard hazırkı heyətdə transferinə ən çox pul xərclənmiş futbolçu ünvanına sahibdir.
Qeyd edək ki, bu gün Renat Dadaşov “Vulverhempton”un 23 yaşadək komandası ilə Premyer Liqa kubokunda “Bləkbörn”ə qarşı oynayacaq. Bu görüş Bakı vaxtı ilə saat 23:00-da başlayacaq.
Səbuhi Musayev
