Azərbaycanın ixrac etdiyi əsas yeyinti məhsullarının həcmi və ixrac dəyəri açıqlanıb.
Ümumilikdə qeyri neft-qaz məhsulları üzrə ixrac dəyəri 1 milyard 851,3 milyon dollar olub.
Meyvə-tərəvəz – ötən il 607,5 milyon dollar dəyərində 606,6 min ton həcmində meyvə-tərəvəz ixrac edilib. İxrac dəyəri 0,3 faiz artsa da, ixrac həcmi isə 3,5 faiz azalıb.
O cümlədən, 2020-ci ildə 201,4 milyon dollar dəyərində 187,5 min ton tomat ixrac edilib. 2019-cu ilə nəzərən onun ixrac dəyəri 6,4 faiz, ixrac həcmi isə 7,4 faiz artıb.
Bu dövr ərzində 116,3 milyon dollar dəyərində 18,9 min ton meşə fındığı ixrac edilib. 2019-cu il göstəriciləri ilə müqayisədə ixrac dəyəri 7,4 faiz, 16,6 faiz azalıb.
Həmçinin, 29,5 milyon dollar dəyərində 72,1 min ton alma ixrac edilib. Əvvəlki illə müqayisədə fındığın ixrac dəyəri 24,4 faiz, ixrac həcmi isə 25,6 faiz azalıb.
Eləcə də, 91,6 milyon dollar dəyərində 125,8 min ton xurma ixrac edilib. Onun ixrac dəyəri 12,5 faiz, ixrac həcmi isə 13,9 faiz faiz azalıb.
Şəkər – 26,9 milyon dollar dəyərində 60,6 min ton şəkər ixrac edilib. 2019-cu ilin göstəricilərinə nisbətən məhsulun ixrac dəyəri 0,1 faiz artsa da, ixrac həcmi isə 2,3 faiz azalıb.
Bitki və heyvan mənşəli piy və yağlar – 24,7 milyon dollar dəyərində 24,8 min ton bitki və heyvan mənşəli piy və yağlar ixrac edilib. Bu məhsulların ixrac dəyəri 34 faiz, ixrac həcmi 37,2 faiz artıb.
Çay – 9,6 milyon dollar dəyərində 1,4 min ton çay ixrac edilib. Onun ixrac dəyəri əvvəlki illə müqayisədə 0,5 faiz, ixrac həcmi isə 9,8 faiz azalıb.
