2021-ci ilin fevral ayı ərzində Azərbaycanda ən çox giriş edilən sosial media platformaları açıqlanıb.
Ölkəmizdə fevral ayında “Instagram” istifadəçiləri aktivlik təşkil edib.
Müvafiq dövrdə “Instagram” istifadəçilərinin sayı 22,78 faiz təşkil edib. “Instagram” bazar payına görə yanvar ayında üçüncü sosial media platforması ikən, fevral ayında birinci yerdə qərar tutub.
Ötən ay bazar payı ən yüksək olan ikinci sosial media platforma isə 22,22 faiz göstərici ilə “Twitter” olub. Halbuki, yanvar ayında o, ən çox müraciət edilən birinci sosial media platforması idi.
Fevral ayında ən çox bazar payına malik üçüncü platforma 20,23 faizlik istifadəçi sayı ilə “YouTube” olub. Yanvar ayında o, bazar payına görə dördüncü ən çox giriş edilən media platforması idi.
Ölkədə “Facebook” istifadəçilərinin sayı isə fevral ayında bir qədər də azalaraq 18,57 faiz olub. Yanvar ayında istifadəçi aktivliyinə görə ikinci yerdə olan “Facebook” fevral ayında dördüncü yerdə qərar tutub.
“Pinterest” istifadəçilərinin sayı isə ölkəmizdə kəskin azalıb. Fevral ayında onun istifadəçi aktivliyi 14,69 faizi təşkil edib.
