Azərbaycanın FIFA referilərinin sayı artırılıb.
AFFA 2021-ci il üçün Azərbaycanın FIFA hakimlərinin sayını açıqlayıb.
Azərbaycanın futbol hakimliyi tarixində ilk dəfə qadın referi də bu siyahıda yer alıb. Söhbət Yuliya Qurbanovadan gedir. Bununla da Azərbaycan üçün ayrılmış FIFA referi sayı dördə yüksəlib.
Beynəlxalq dərəcəli oyunlara təyinat alacaq referilərimizin tərkibində də dəyişiklik olub. Əliyar Ağayev və Rauf Cabbarov yenə beynəlxalq matçlara gedə biləcək. Ancaq Rəhim Həsənovu Elçin Məsiyev əvəzləyib.
Referi köməkçilərinin sayında da dəyişiklik baş verib. Akif Əmirəli, Zeynal Zeynalov, Namiq Hüseynov, Elşad Abdullayev, Pərvin Talıbova Cavanşir Yusifov, Gülnurə Əkbərzadə və Sevda Nuriyeva qoşulub. Yusifovun adı zədə səbəbindən karyerasını başa vurmuş Mübariz Haşımovun əvəzinə siyahıya əlavə edilib.
Futzal hakimlərinə gəlincə, Hikmət Qafarlıdan sonra Əli Cəbrayılov və Knyaz Əmiraslanova da FIFA dərəcəsi verilib.
