Almaniya. 16 dekabr – 10 yanvar müddətində tarixlərinin ən şiddətli qapanma olacaq; aptek və ərzaq dükanlarından başqa hər şey bağlanacaq. Məktəb dərsləri ləğv edilib. Beş nəfərdən çox adamın toplaşması qadağandır.
Niderland. 15 dekabr – 19 yanvar tarixlərində qapanma tətbiq olunacaq. Yalnız ərzaq mağazaları işləyəcək. 16 dekabrdan etibarən məktəblər və universitetlər distant təhsilə keçəcək. Hotellər işləyəcək.
Britaniya. Londonda 16 dekabrdan etibarən maksimum məhdudiyyətlər qüvvəyə minir.
Yunanıstan. 7 yanvaradək qapanma tətbiq olunacaq. Ərzaq mağazaları xaricində bütün satış mərkəzləri bağlanacaq, bölgələr arasında nəqliyyat qadağandır, komendant saatı tətbiq olunacaq
Avstriya. Dekabrın 7-dən qapanma dayandırıldı – mağazalar, gözəllik salonları və muzeylər açıldı, ibtidai siniflər əyani dərslərə qayıtdı. Yanvarın 7-də hotellər və restoranlar açılacaq.
Fransa. Dekabrın 15-dən məhdudiyyətlərin qaldırılmasının ikinci mərhələsi başlayır – karantin komendant saatı ilə əvəz ediləcək, ölkəni gəzmək mümkün olacaq. Restoranlar yanvar ayının ortalarına qədər açılmayacaq.
İtaliya. 24 dekabr – 27 dekabr, 31 dekabr – 3 yanvar və 5 – 6 yanvar tarixlərində tam bir qapanma gözlənilir. Qalan müddətlərdə komendant saatı qüvvədədir, orta məktəblərdə dərslər distant keçiləcək, teatrlara, filmlərə və fitness mərkəzlərinə qadağalar qüvvədədir.
