Avropa Komissiyası Bolqarıstanı havanın çirkli olması səbəbindən Avropa İttifaqı məhkəməsinə verir.
Bu barədə ətraf mühit, dəniz işləri və balıqçılıq üzrə Avropa komissarı Karmenu Vella bildirib.
Qeyd olunub ki, havanın kükürd dioksidi ilə çirklənmənin səviyyəsi ölkənin cənub-şərqində get-gedə artır. K.Vella vurğulayıb ki, Bolqarıstan Avropa İttifaqının standartlarına riayət etməlidir.
Qeyd edək ki, bu artıq Bolqarıstana qarşı havanın çirklənməsi ilə bağlı Avropa İttifaqı məhkəməsinə ünvanlanmış ikinci iddiadır.
