Almaniya İsraildən Suriyaya hücumlarını dayandırmasını tələb edib.
Bu barədə Almaniya Xarici İşlər Nazirliyinin sözçüsü Amelie Tittel açıqlama verib.
“İsrailin hərbi tədbirlərinin beynəlxalq hüquq normalarına nə dərəcədə uyğun olduğu məlum olmayana qədər İsraili bu hərbi əməliyyatlardan çəkinməyə çağırırıq”, – deyə Tittel söyləyib.
Sözçü suriyalılar üçün ən mühüm prioritetin Suriyada uzunmüddətli sabitliyin bərpası olduğunu və bunun təhlükə altına düşməməsi gərəkdiyini bildirib.
Tittel həmçinin Almaniyanın İsrail-Fələstin məsələsində iki dövlətli həll yolunu dəstəklədiyini qeyd edib: “İordan çayının qərb sahili də Fələstin torpaqlarının bir hissəsidir və gələcək Fələstin dövlətinin bir hissəsi olacaq”.
O, son olaraq Qəzzada humanitar yardımların daşınmasına qoyulan blokadanın aradan qaldırılmasını və mülki şəxslərin müdafiəsini tələb edib.
