ABŞ Ermənistanı tamamilə özünə tabe etmək istəyir.
Bu barədə Rusiya Xarici Kəşfiyyat Xidməti məlumat yayıb.
Bildirilir ki, ABŞ “demokratikləşməni tətbiq etməklə” respublikanı özünə tabe etmək niyyətindədir. Bildirilir ki, onlar Ermənistanda qərbyönlü partiyaları “təbliğ etməyə” başlayıblar ki, onların planına görə, 2026-cı ildə respublikada keçiriləcək seçkilərdə parlamentə daxil olmalılar.
Bundan əvvəl Ermənistan xarici işlər nazirinin müavini Vahan Kostanyan bildirmişdi ki, respublika hökuməti Donald Trampın prezident seçilməsindən sonra ABŞ-la strateji tərəfdaşlıq üzrə ikitərəfli danışıqları davam etdirməyə ümid edir. O əlavə edib ki, Ermənistan dövlətlərlə strateji dialoqdan strateji tərəfdaşlığa keçməyə çalışacaq.
Məsələ ilə bağlı əlavə təfərrüatların veriləcəyi gözlənilir.
