Süveyş kanalında torpağa oturaraq kanalda hərəkətin tam dayanmasına səbəb olan “Evergreen” konteyner gəmisinə görə, hazırda sözügedən kanaldan keçmək üçün növbə gözləyən 321 gəmi var.
Bu barədə Süveyş kanalı idarəsinin rəhbəri Usama Rabia məlumat verib.
U.Rabia əlavə edib ki, gəmilərin hər birinə logistik dəstək verilir.
Qeyd edək ki, martın 23-də Süveyş kanalı ərazisində dünyanın ən böyük konteyner gəmilərindən biri olan “Evergreen” kanalın hərəkət hissəsini kəsərək gediş-gəlişi iflic edib.
İlkin məlumata görə, konteyner gəmisi güclü külək səbəbi ilə istiqamətini dəyişib.
