Bakıda güclü zəlzələ olub – FOTO

0
126

Bakıda bir qədər əvvəl güclü zəlzələ olub.

Zəlzələ paytaxtla yanaşı bir neçə rayonda da hiss olunub.

Təxminən saat 08:16 radələrində baş verən zəlzələ ilə bağlı hələlik rəsmi məlumat verilməyib.

Zəlzələnin təsiri ilə bağlı sosial şəbəkələrdə də xeyli sayda paylaşım edilir.

***

Respublika Seysmoloji Xidmət Mərkəzindən “Qafqazinfo”ya bildirilib ki, ilkin məlumata əsasən, Azərbaycan ərazisində zəlzələ baş verib.

Yerli vaxtla 08:16-da baş verən zəlzələ 5.6 bal gücündə qeydə alınıb. Zəlzələnin ocağı Xəzər dənizində yerləşib.

***

Respublika Seysmoloji Xidmət Mərkəzinin Zəlzələlərin tədqiqatı bürosu zəlzələ ilə bağlı yeni məlumat yayıb.

Bildirilib ki, 7 dekabr, yerli vaxtla saat 08:16 Xəzər dənizində zəlzələ qeydə alınıb.

Yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.

Zəlzələ Bakıda və bir sıra şəhərlərdə hiss olunub.