Messi rekord qırmağa davam edir

0
18

“Barselona”nın hücumçusu və kapitanı Lionel Messi 12 mövsüm ardıcıl İspaniya çempionatında azı 25 qol vuran yeganə futbolçudur.

Bu barədə “Squawka Football” məlumat yayıb.

34 yaşlı forvard “Xetafe” ilə oyunda (5:2) dubla imza ataraq bu mövsümdə 25-ci qoluna imza atıb.

Qeyd edək ki, mart ayında ulduz futbolçu braziliyalı əfsanəvi hücumçu Pelenin rekordunu da qırmağı bacarmışdı.

Belə ki, La Liqada 469-cu qolunu vuran L.Messi bir çempionatda ən çox fərqlənən oyunçu oldu.

Xatırladaq ki, Pele 1957-1974-cü illərdə Braziliya çempionatında “Santos”un heyətində 468 qola imza atıb.