Çin yeni Ay ilinə koronavirussuz girir

0
102

Ötən günlərdə Çində ölkə daxilində koronavirusa yoluxma aşkar edilməyib.

“İnterfax” ölkənin Dövlət Səhiyyə Komitəsinə istinadla xəvbər verir ki, Şanxay və Handun əyalətində xaricdən gələn iki şəxsdə yoluxma hadisəsi qeydə alınıb.

Bildirilir ki, Çin səlahiyyətliləri qəbul edilmiş sərt məhdudlaşdırıcı tədbirlər sayəsində iki ay əvvəl bir sıra əyalətlərdə baş verən xəstəlikdən sonra infeksiyanın ölkə daxilində kütləvi yayılmasının qarşısını almağa müvəffəq olublar.

Bu il fevralın 12-də Çində ay təqviminə görə Yeni il – “Bahar Şənliyi” qeyd olunur.

Bu, Çində ən hörmətli bayramlardan biridir. Ənənəvi olaraq, ölkənin hər yerindən gələn “böyük” ailələrin bütün üzvləri bir araya gəlir. Bu, əhalinin kütləvi miqrasiyasına və nəticədə insanların geniş şəkildə toplanmasına səbəb olur.

Bundan əlavə, bayram kütləvi qeyd etmələr, şəhər parklarındakı karnavallar, izdihamlı şənliklərlə müşayiət olunur ki, bu da öz növbəsində virusun yayılmasının güclənməsinə səbəb ola bilər.