İctimai Nəzarət Koalisiyasının sədri, Dünya Azərbaycanlılarının Mədəniyyət Mərkəzinin I vitse- prezidenti, Sabitlik və İnkişaf Mərkəzinin rəhbəri, ictimai xadim Rasim Məmmədov tanınmış biznesmen Mübariz Mənsimovu müdafiə edənlər arasında müxtəlif cinayətlər şübhəsi altında olanları nəzərə almayaraq, bu şəxsin sağlığının önəmli olması səbəblərini rəhbər tutaraq ev dustağı kimi saxlanılmasını istəyənlər arasında olduğunu bəyan etmişdir. Onun bu cəsarətli addımını dəstəkləyən İctimai Nəzarət Koalisiyasının üzvləri də eyni fikirdə olduqlarını bildirmişlər. “Mübariz Mənsimov haqqında sosial şəbəkələrdə yayımlanan rəsmi və qeyri-rəsmi ittihamların sübutu və yekun qərarı verilmədən heç bir söz deməyə heç kimin ixtiyarı yoxdur. Hər birimizin insanlıq borcu ölüm təhkükəsi altında olan bir adamın sağ qalmasına çalışmaqdır.
Epidemiyanın tüğyan etdiyi bir dövrdə bir çox ölkələrdə həbsxanaların boşaldılması da göz önündədir.
Hələ də, qanunsuz əməlləri şübhə altında olan, həm də, milyonların sevgisini qazanmış bir şəxsin ev dustağı kimi saxlanılmasının mümkünlüyünə ümid edirik. “
Rasim Məmmədov bunları söyləməklə yanaşı eyni zamanda, bildirmişdir ki, koronovirusla bağlı ölkə başçımız İlham Əliyevin həyatımızın bütün sahələrini əhatə edən geniş çıxışına hər bir kəs diqqətlə qulaq asmalı və bu tövsiyələrə əməl etməlidir.
“İctimai Nəzarət fəlsəfəsi yalnız hər bir kəsin düşündüklərini bildirmək səlahiyyətində olmasını ifadə etmir. Ali qanun və qaydalara riayət olunması vacib şərtdir, özümüzü də, ətrafımızdakıları da düşünməyi məcburiyyətdən deyil, sevgidən edək. Ali mərhəmət hisslərimiz və əməllərimizin koronovirus təhlükəsi ilə yanaşı, minlərlə insana narahatçılıq hissi yaşadan Mübariz Mənsimov durumunu da aydınlığa çıxaracağına əminəm”.
“ictimaixeber.az”
