Bu gün Azərbaycan Milli Azadlq Hərəkatının lideri, mərhum prezident Əbülfəz Elçibəyin doğum günüdür.
Azərbaycan Xalq Cəbhəsinin də sədri olmuş Əbülfəz Elçibəyin 82-ci doğum günü qeyd olunur.
Əbülfəz Qədirqulu oğlu Əliyev (Elçibəy) 1938-ci il iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin (ADU) şərqşünaslıq fakültəsini bitirib. Bir müddət Misirdə tərcüməçi kimi çalışıb, Bakıya qayıtdıqdan sonra ADU-da müəllim işləyib.
1975-1976-cı illərdə anti-sovet fəaliyyətinə görə həbs edilib. İlyarımlıq həbsdən sonra Azərbaycan Elmlər Akademiyasının Əlyazmalar İnstitutunda işə başlayıb. 1988-ci ildə Azərbaycanda başlayan Milli Azadlıq Hərəkatına liderlik edib, daha sonra Azərbaycan Xalq Cəbhəsini yaradanlardan biri və sədri olub.
1992-ci il iyunun 7-də prezident seçilən Əbülfəz Elçibəy bir il sonra Gəncədə başlayan hərbi qiyamdan sonra Bakını tərk edərək və 1993-cü il iyunun 17-də doğulduğu Ordubad rayonunun Kələki kəndinə gedib.
İyunun 24-də Milli Məclisin qərarı ilə səlahiyyətlərinə son verilmiş Əbülfəz Elçibəy fəaliyyətini Azərbaycan Xalq Cəbhəsi Partiyasının və Bütöv Azərbaycan Birliyinin sədri kimi davam etdirib.
2000-ci ilin avqustun 22-də Türkiyənin Ankara Dövlət Xəstəxanasında dünyasını dəyişən Əbülfəz Elçibəy xüsusi dövlət törəni ilə Fəxri xiyabanda dəfn edilib.
Allah rəhmət eləsin!
