Azərbaycan kəndinə girdiyi üçün tutulan ermənilər azadlığa buraxıldı

0
62

Ermənistanın nəzarətində olan Yuxarı Əskipara kəndinə girən “Döyüş qardaşlığı” təşkilatının üzvləri Avetis Avetisyan (2020-ci il müharibəsinin iştirakçısı) və Henrik Mkrtçyan azadlığa buraxılıblar.

Bu barədə “Döyüş qardaşlığı”nın Feysbuk səhifəsində məlumat paylaşılıb.

Bildirilib ki, saxlanılanlar Yuxarı Əskipara ərazisinə getməmək şərti ilə sərbəst buraxılıblar.

Qeyd edək ki, ötən gün Ermənistanın nəzarətində olan Yuxarı Əskipara kəndinə girən “Döyüş qardaşlığı” təşkilatının üzvləri Avetis Avetisyan (2020-ci il müharibəsinin iştirakçısı) və Henrik Mkrtçyan saxlanılıblar. Onların əraziyə qanunsuz girdikləri üçün saxlanıldıqları açıqlanıb.