Günahı Azərbaycana atmaq istəyən manyak ifşa olundu: Ermənistanda tarixə düşəcək əxlaqsızlıq nümunəsi

0
46

Ermənistanın Milli Təhlükəsizlik Xidməti internet vasitəsilə müharibə dövründə əsir və itkin düşmüş şəxslərin yaxınlarından informasiya qarşılığında açıq-saçıq foto və video tələb edən manyakı saxlayıb.

Sözügedən şəxs “Facebook” sosial şəbəkəsində özünü azərbaycanlı “Əziz Muradov” kimi təqdim edərək Qarabağ müharibəsində itkin düşən və ya əsir götürülən hərbçilərin yaxınlarına onların saxlanıldığı yer barədə saxta məlumatlar verib. Bunun qarşılığında isə qadınlardan çılpaq foto və video tələb edib. Tələbi yerinə yetirilməyəcəyi halda isə bunun “əvəzi”ni hərbçilərdən çıxacağını bildirib. Cinayətkarın tələsinə həmçinin 16 yaşlı qızın da düşdüyü bildirilir.

Həmçinin ilkin istintaq mərhələsində 10-a yaxın qurbanı da müəyyən etmək mümkün olub.

Sözügedən hadisəni erməni şərəfsizliyinin sonsuz imkanlarının təzahürü kimi qəbul etmək olar. Müharibədə məğlub olan bir xalqın fərdinin hazırda öz cəmiyyətinin ən yaralı yerlərindən biri üzərindən fırıldaqçılığa əl atması, üstəlik də bu əməli cinsi istəkləri naminə törətməsi dünyada misli görülməmiş əxlaqsızlıq nümunəsi ola bilər.

Məsələnin digər tərəfi isə bəlkə də, yüz illərdir davam edən erməni xislətinin ifşasından ibarətdir. Göründüyü kimi Ermənistan Milli Təhlükəsizlik Xidməti tərəfindən saxlanılan şəxs cinayəti özünü azərbaycanlı kimi təqdim edərək törədir. Bəlkə də, özü də şüuraltında dərk edir ki, bu cür əxlaqsızlığı yalnız düşmən olaraq gördüyün birinin üzərinə yıxmaq olar. Lakin bu hadisəni törədən ermənilərin özlərinə düşmən bildikləri deyil, məhz tarixən də olduğu kimi onların öz içindən biri olub.

Belə ki, yüz illərdir, Azərbaycanın sərvətlərini, uğurlarını, mədəniyyətini, mətbəxini mənimsəyən, yalnız tarixdəki rüsvayçılıq və əxlaqsızlıqlarını qonşularının ayağına yazmaq istəyən ermənilər bu yolla bəşəriyyətin qarşısında özlərini təmizə çıxarmaq istəyiblər. İndi də Ermənistan cəmiyyətində səs-küy yaradan bir əxlaqsızlıq nümunəsində günahı bizə atmaq istəsələr də, ifşa olunublar.