12201 nəqliyyat vasitəsi postlardan geri QAYTARILDI – 10 nəfər məsuliyyətə cəlb edildi

0
36

Ölkə ərazisində tətbiq edilmiş karantin rejimi ilə əlaqədar Baki, Sumqayıt şəhərləri və Abşeron rayonunun inzibati ərazilərindəki nəzarət keçid postlarında 27 mart saat 08:00-dan 28 mart saat 08:00-dək olan müddət ərzində polis əməkdaşları tərəfindən görülmüş işlər barədə məlumat açıqlanıb.
Bu barədə  danışan Daxili İşlər Nazirliyinin (DİN) Baş Dövlət Yol Polisi idarəsinin İctimaiyyətlə əlaqələr şöbəsinin rəisi, polis polkovniki Kamran Əliyev bildirib ki, 19 martdan 28 mart saat 08:00-dək 7842 nəqliyyat vasitəsinin rayon, 25 martdan 28 mart saat 08:00-dək isə 4359 nəqliyyat vasitəsinin paytaxt istiqamətinə geri qaytarılıb:
“ Bakı-Quba yolunun 45.2-ci km-də yerləşən keçid postundan 70-i rayon, 374-ü şəhər istiqamətinə olmaqla 444  nəqliyyat vasitəsinin geri qaytarılması təmin edilib.
Həmçinin, Bakı-Şamaxı-Yevlax yolunun 31-ci km-də yerləşən keçid postundan 27-i rayon, 151-i şəhər istiqamətinə olmaqla 178 nəqliyyat vasitəsi geri qaytarılıb.
Bakı-Qazax-Gürcüstan yolunun 65-ci km-də yerləşən keçid postundan 200-ü rayon, 178-i şəhər istiqamətinə olmaqla 378 nəqliyyat vasitəsinin geri qaytarılması təmin edilib”.
Onun sözlərinə görə, gün ərzində postların yerləşdiyi ərazidə karantin rejiminin pozulmasına görə 10 nəfər məsuliyyətə cəlb edilib:
“Ümumilikdə bu günədək 12201 nəqliyyat vasitəsi ilə postlardan keçmək cəhdinin qarşısı alınıb”.

BIR CAVAB BURAXIN

Please enter your comment!
Please enter your name here